Prímusinn frá Biolite var prófaður með ágætis árangri á Snæfellsnesi um helgina. Það sem gerir þennan sérstakan er að hann gengur fyrir viði og því er gas eða bensín óþarft. Þetta gæti því verið græja sem reyndist vel á lengri ferðalögum, t.d. um Strandir, eða þar sem hægt er að komast í einhvern við – sem er reyndar ekki alltaf málið á Íslandi.
Viðarbruninn hleður líka sérstaka rafhlöðu sem hægt er að tengja usb við og hlaða síma eða önnur raftæki. Hægt er að setja sérstaka grillframlengingu á prímusinn og gekk vel að útbúa ljúfenga kvöldmáltíð.